Haqqımızda
North West Services 2017-ci ildə yaradılmışdır və o, North West Construction-ın törəmə şirkətidir. Məqsədimiz müxtəlif texniki sahələrdə profilaktik, təmir və digər xidmətlər göstərməkdir. İşimizə ciddi yanaşırıq, çünki müştərilərimizin biznesi üçün avadanlığın nə qədər önəmli olduğunu bilirik. Şirkətin əsas heyətinə dizaynerlər, layihə menecerləri, xidmət üzrə mühəndislər, montajçı və yoxlama üzrə mütəxəssislər daxildir.
Fəaliyyətimizin əsasını danışılmış vaxt çərçivəsində və rəqabətə davamlı qiymətlərlə keyfiyyətli məhsul və nümunəvi xidmətlərin təqdim olunması təşkil edir. Hər xırda detalı belə nəzərə alaraq yekun nəticədə yüksək keyfiyyətli xidmət təmin etmək bacarığımız çoxillik təcrübəmizdən irəli gəlir. Və bu, şirkətimizin öz məhsullarına və müştərilərin tələblərinə sadiq olmasından xəbər verir.
Texniki personalın ekspert komandası sayəsində biz güvənilə biləcək dürüst şirkət adı qazanmışıq. Əmin ola bilərsiniz ki, biz vaxtı-vaxtında sizin sorğularınıza cavab verəcəyik, yaranan problemlərin həlli zamanı bütün ustalığımızı ortaya qoyacağıq və dəyişməyən yüksək keyfiyyətdə xidmətlər təqdim edəcəyik. Ciddi idarəetmə standartlarımız hər mərhələdə xidmətlərin yüksək keyfiyyətini təmin edir.
BAXIŞIMIZ VƏ DƏYƏRLƏRİMİZ
North West Services-də bizi uğura doğru aparan 3 əsas dəyər var. Bizim üçün bunlar sadəcə sözlər deyil, bu bizim yaşam tərzimizdir. Sözügedən atributlar bizim biznes tərəfdaşları və bir-birimizlə əməkdaşlığımızda bələdçimizdir. Biz çox yaxşı anlayırıq ki, dayanıqlı baxışa malik şirkətlər uzun müddətli perspektivdə daha yaxşı göstəricilər nümayiş etdirir. Biz böyüdükcə korporativ mədəniyyətimizi də inkişaf etdiririk, hansı ki, bizim dəyərlərimiz sayəsində dəstəklənir və güclənir. Beləliklə, biz North West Services-də çalışan əməkdaşlarımızın aşağıdakı dəyərlərə bələd olmasını istərdik:
Fərdi yanaşma
Müstəsnalıq
Çeviklik
